Yangiliklar

UzAuto Motors компанияси бугун юртимизда кечаётган карантин даврида автомобиль хариди жараёнида харидорларга қулайлик яратиш мақсадида турли имтиёзли акцияларни жорий қилди.

Мазкур акциялар доирасида турли баҳоналар билан таъмагарлик ҳолатлари юзага келса Сиздан бу ҳақида UzAuto Motors компаниясининг 78 141-77-77 ишонч телефонларига мурожаат қилишни сўраб қолади.!

Компания мурожаатнинг асослилигига ишонч ҳосил қилган тақдирда ноқонуний фаолият юритаётган дилерларнинг фаолиятига чек қўйиш юзасидан барча тегишли чораларни кўради.  

Эслатиб ўтамиз, бугунги кунда компания томонидан жорий этилган янги савдо тизими тўлиқ автоматлаштирилган бўлиб, бунда автомбиль савдоси, уларни етказиб бериш ҳамда навбатларни яқинлаштиришда инсон омилининг аралашувига йўл қўйилмайди. 

Шунингдек компания автомобиллар савдосида шаффофликни таъминлаш мақсадида бир қатор хизматларни ишга туширган — автомобилга навбатни “Uzavtosavdo” иловаси, @uzautosanoat_bot ҳамда http://uzautomotors.com/prices/info_cars ҳаволаси орқали кузатиб бориш мумкин.

Огоҳ бўлинг, қонуний ҳуқуқларингизни поймол қилишларига йўл қўйманг!