Yangiliklar

Бугун «Ўзавтосаноат» акциядорлик жамиятида гуруҳ муҳокамлари шаклида UzAuto Motors дилерларининг конференцияси бўлиб ўтди.

Конференция иши доирасида UzAuto Motors компаниясининг дилерлари 2019 йилги фаолият натижаларини кўриб чиқдилар ҳамда 2020 йилда брендни ривожлантиришнинг истиқболларини муҳокама қилдилар. Дилерлар учун янги истиқболли моделларнинг тақдимоти бўлиб ўтди, савдо ва хизмат кўрсатишнинг асосий йўналишлари тақдим қилинди.

Анжуман иштирокчиларига UzAuto Motors компаниясининг турли сегментларидаги бир қатор фундаментал янгиликлар ҳақида маълумот берилди.

«Ўзавтосаноат» вакиллари томонидан биринчи навбатда мижозга йўналтирилган савдо стратегияларини ўзгартириш зарурлиги, хизмат кўрсатиш, мижозлар билан ўзаро муносабатларнинг сифатини яхшилаш, эҳтиёт қисмларни сотиш, шунингдек, Trade-In дастури орқали савдони кўпайтириш каби вазифалар қўйилди.

Маълумот учун, бугунги кунда компаниянинг бутун мамлакат бўйича 89 та дилерлик корхоналари мавжуд.