Yangiliklar

Dushanba, 7 fevral kuni ijtimoiy tarmoqlarda General Motors 2022-yil avgust oyida Chevrolet Spark avtomobili ishlab chiqarilishini toʻxtatishi haqida xabarlar tarqaldi. Ba’zi manbalarda esa, bu xabar Oʻzbekistonda Spark avtomobili ishlab chiqarilishi toʻxtatildi deb izohlandi.

UzAuto Motors kompaniyasi ushbu xabar Oʻzbekiston avtomobil ishlab chiqarish rejasiga taaluqli emasligini rasman ma’lum qiladi.

Avval xabar berganimizdek, joriy yilning iyul oyida O'zbekistonda Tracker avtomobili ishlab chiqarilishi rejalashtirilgan. Chevrolet Spark avtomobili ishlab chiqarilishining toʻxtatilishi rejalashtirilmagan.

Hurmatli iste'molchilar, turli xil mish-mishlarga berilmaslikni va faqat ishonchli axborot kanallariga ishonishingizni so'raymiz.