Yangiliklar

“UzAuto Motors” AJ barcha hamyurtlarimizni 2024-yil 25-oktabr “Qog‘ozsiz bir kun” eko-aksiyasida faol ishtirok etishga chaqiradi.

Ushbu tabiiy resurslarni asrab-avaylash va ekologik muammolarni hal etishga qaratilgan tashabbus “Ekologiya, atrof-muhitni muhofaza qilish va iqlim o‘zgarishi vazirligi” tomonidan o‘tkazilmoqda.

Har birimiz bu eko-aksiyada ishtirok etishimiz orqali tabiiy muhitni saqlashga katta hissa qo‘shishimiz mumkin! Bir martalik plastik qadoqlardan voz kechish, resurslarga tejamkor munosabatda bo‘lish va chiqindilarni kamaytirish orqali biz tabiiy muhitni asrashga katta hissa qo‘sha olamiz.

Bugungi kunda qog‘oz ishlab chiqarishda ishlatiladigan daraxtlar sonini kamaytirish va boshqa sun’iy materiallardan foydalanishni ko‘paytirish juda muhim masalalardan biridir. 

“UzAuto Motors” AJda qog‘oz isrofini kamaytirishga alohida e’tibor berilmoqda. So‘nggi yillarda korxonada hujjatlarni elektron shaklda saqlash va almashish tizimi joriy etildi. Bu nafaqat qog‘oz sarfini sezilarli darajada kamaytirishga, balki ish jarayonlarini samarali tashkil etishga ham yordam beradi.

Keling, birgalikda atrof-muhitimizni saqlaylik va kelajagimiz uchun ijobiy o‘zgarishlarga erishaylik!