Yangiliklar

Ҳурматли харидорлар, сиздан бугун (10.09.2018) айни пайтда 4524 нафар мижозларнинг қўлида бўлган автомобил харид қилиш шартномалари бўйича тўлов қилишнинг сўнгги куни эканлигига эътибор қаратишингизни сўраймиз.

Сизга GM Uzbekistan томонидан ишлаб чиқарилган автомобилларни жисмоний ва юридик шахсларга буюртма асосида етказиб бериш шартномасининг 2.3/2.2 бандига асосан “харидор махсулотнинг умумий нархининг 85 фоиздан кам бўлмаган миқдорида (жисмоний шахслар учун) ва 100 фоизини (юридик шахслар учун) тўловни шартнома тузилган кундан бошлаб етти кун ичида амалга ошириши” ҳақида эслатиб ўтмоқчимиз. Яъни ушбу вақт ичида харидор дилерга тўлов амалга оширилганини тасдиқловчи ҳужжат тақдим этиши зарур. Шунингдек, шартнома бўйича агар мижоз етти кун ичида тўловни амалга оширмаса, дилер уни шартнома бекор қилингани ҳақида огоҳлантиришга мажбур эмас.

Шу билан бирга, ҳозирда GM Uzbekistan АЖ дилерлик марказлари ходимлари ва call-марказ юқоридаги шартномалари муддати 2018 йилнинг 10 сентябрь куни тугайдиган мижозларга қўнғироқ қилиб чиқишмоқда.

GM Uzbekistan АЖ мижозлардан тўловни амалга оширишни ёки муддатни узайтириш ҳақидаги келишувларни тузиш учун дилерлик марказларига бугун мурожаат қилишни сўрайди.

Тўлов амалга оширилмаган ёки қўшимча келишувлар мавжуд бўлмаган ҳолларда компания сизнинг шартномангизни бекор қилишга мажбур бўлади.

Ҳамкорлигингиз учун миннатдорчилик билдирамиз!