Yangiliklar

CHEVROLET TRACKER 2 VA ONIX ISHLAB CHIQARILISHINI YO’LGA QO’YISH ISHLARI DAVOM ETMOQDA
2021-10-25 04:16:40 Yangiliklar
 
                          Yangiliklar

“UzAuto Motors” Asaka shahridagi zavodining ishlab chiqarish liniyalarida Chevrolet Tracker 2 va Chevrolet Onix avtomobillari kuzov qismlarini ishlab chiqarishni yo’lga qo’yish ishlari davom etmoqda, hamda mutaxassislar uchun treninglar oʻtkazilmoqda, shuningdek ushbu modellar ishlab chiqarilishini yoʻlga qoʻyish uchun boshqa tizimli ishlar olib borilmoqda.

Ushbu avtomobillarni ishlab chiqarishni yo’lga qo’yish uchun tayyorgarlik ishlari reja asosida amalga oshirilmoqda. Eslatib o’tamiz, joriy yilning avgust-sentabr oylarida kompaniya ushbu avtomobil modellarini ishlab chiqarish uchun ishlab chiqarish liniyalarini modifikasiya va unifikatsiya qildi. Ushbu liniyalarda robotlashtirish darajasi 55% ni tashkil etadi. Bu yuqori ko’rsatkich Chevrolet Tracker 2 va Chevrolet Onix ishlab chiqarilishi zamonaviy standartlarga mos kelishini ko'rsatadi. Misol uchun, so’nggi modernizatsiya ishlari olib borilishidan oldin robotlashtirish darajasi 5-10 %ni tashkil etgan edi.

“UzAuto Motors” ushbu modellar ichki va tashqi bozorlarda GM standartlariga mos ravishda yuqori sifat bilan ishlab chiqarilishini maqsad qilgan.

You Tube'da tomosha qilish (https://www.youtube.com/watch?v=e3Dsb-xoL9k)