Yangiliklar

Joriy yilning 1 noyabr kuni o‘quv jarayoni bilan tanishish maqsadida GM International prezidenti va boshqaruvchi direktori Kristian Sommer, Global xaridlar va ta’minot zanjiri GM International va GM Janubiy Amerika bo‘yicha vitse-prezidenti Jonni Saldana va UzAuto Motors bosh direktori Bu Inge Andersson Toshkentdagi Turin politexnika universitetiga tashrif buyurdi.  

Tashrif davomida delegatsiya universitetning o‘quv majmuasi bilan tanishdi va talabalar bilan norasmiy uchrashuv o‘tkazdi. Uchrashuv davomida talabalarning kelgusidagi rejalari va dolzarb muammolari muhokama qilinib, har bir kishi o‘zini qiziqtirgan savollar bilan murojaat qildi. 

Bundan tashqari, talabalar janob Sommer ishtirok etgan avtomobil sanoatidagi yarimo'tkazgichlar bilan bog'liq global muammoning holatiga qiziqish bildirishdi. 

Yakunida GM International vakillari va UzAuto Motors bosh direktori barcha talabalarga o‘qishlarida va kelajakdagi faoliyatida omad tiladilar.