Axborot xabari

Bugundan boshlab hafta oxirigacha poytaxt aholisi va mehmonlari “UzAuto Motors” kompaniyasi mahsulotlari bilan 14-18 dekabr kunlari “O‘zekspomarkaz”da (Toshkent) bo‘lib o‘tayotgan “Respublika tarmoqlararo sanoat yarmarkasi”da tanishishlari mumkin.

Ta’kidlash joizki, tadbirning birinchi kunidanoq tashrif buyuruvchilarning aksariyat qismi Asaka shahridagi "UzAuto Motors" zavodida tez orada ishlab chiqarilishi boshlanadigan Tracker va Onix modellariga qiziqish bildirishmoqda.

“UzAuto Motors” kompaniyasining marketing bo‘limi boshlig‘i Anvarjon Mavlyanov ilk mehmonlar bilan suhbatda: “Biz nafaqat mamlakatimizda balki chet davlatlarda ham katta mashhurlikka ega avtomobillarni ishlab chiqarishdan mamnunmiz” deya ta’kidlab o’tdi. 

Shubhasiz, Tracker va Onix avtomobillari uchun ishlab chiqarishni mahalliylashtirishning eng yuqori darajasiga erishish bizning ustuvor vazifalarimizdan biridir.