Yangiliklar

Ҳурматли харидорлар!

Агарда автомобиль хариди жараёнида сизга дилер томонидан автомобилни шартномада кўрсатилган муддатидан аввал етказиб бериш ёки бошқа баҳоналар билан қўшимча пул маблағларини сўраш ҳолатлари юзага келса Сиздан бу ҳақда UzAuto Motors компаниясининг 78 141-77-77 ишонч телефонларига ёҳуд @UzAutoMoto_bot Телеграм хизматига мурожаат қилишингизни сўраб қоламиз.

“UzAuto Motors” юборилган мурожаатнинг асослилигига ишонч ҳосил қилган тақдирда албатта юзага келган ҳолатни қонуний бартараф этиш бўйича барча саъй-ҳаракатларни амалга оширади. 

Эслатиб ўтамиз, бугунги кунда компания томонидан жорий этилган янги савдо тизимида автомбиль етказиб бериш ҳамда навбатларни яқинлаштиришда инсон омилининг аралашувига йўл қўйилмайди. Барча автомобиллар фақатгина шартномада кўрсатилган муддатларда харидорларга етказиб берилади.

Шунингдек компания автомобиллар савдосида шаффофликни таъминлаш мақсадида бир қатор хизматларни ишга туширган — автомобилга навбатни “Uzavtosavdo” иловаси, @uzautosanoat_bot ҳамда http://uzautomotors.com/prices/info_cars ҳаволаси орқали кузатиб бориш мумкин.

Огоҳ бўлинг, коррупцияга сабабчи бўлиб қолманг!