Yangiliklar

So'nggi paytda fuqarolarning turli vositachilik tashkilotlariga «UzAuto Motors» AJ tomonidan ishlab chiqarilgan yangi avtomobillarni xarid qilish uchun avtokredit olishda "yordam" so'rab murojaat qilishlari tez-tez uchrab kelmoqda.
Eslatib o'tamiz, banklar avtokredit bo'yicha vositachilik tashkilotlari bilan hamkorlik qilmaydilar. Avtokredit iste'molchining shaxsiy so'rovi orqali bank va avtomobil ishlab chiqaruvchining qo'shma dasturi doirasida amalga oshiriladi.
Qarz oluvchining daromadi yetarlicha bo'lmagan taqdirda ham, "muammoni hal qilish" haqidagi barcha va'dalar yolg’ondir. Banklar qarz oluvchilarning daromadlari to'g'risidagi ma'lumotlarni to'g'ridan-to'g'ri Davlat soliq qo'mitasining ma'lumotlar bazasidan oladilar.
Shuni esda tutingki, yangi avtomobil xarid qilish uchun kreditni faqat Bankka murojaat qilish orqali olishingiz mumkin. Bunday kreditlarni rasmiylashtirish maksimal darajada soddalashtirilgan va ko'p vaqtni talab qilmaydi.