Yangiliklar

RAVON ҚОЗОҒИСТОНДА ЕТАКЧИЛИКНИ ҚЎЛДАН БЕРМАЯПТИ
2020-07-19 12:09:38 Yangiliklar
 
                          Yangiliklar

Қозоғистон автомобиль бозори яна ижобий динамикани кўрсатмоқда – июнда сотувлар ўсиши 2019 йилнинг шу давридагига қиёслаганда 36,7 % ташкил қилди. Бозорда етакчиликни Ravon қўлдан бермай келаётир – бренд 2020 йил иккинчи чорагида янги автомобиллар савдоси рейтингининг биринчи поғонасини эгаллади. Январь-июнь ойлари натижаларига кўра, автомобиллар сотуви ўтган йилдагига қараганда 369 донадан 4 195 донага етган. Учта энг жўшқин ўсиш кўрсатганлар ичида Chevrolet ҳам бор – 612 дона (+33%).

Енгил автомобиллар моделлари кесимида иккинчи чорак якунлари бўйича Ravon R3 етакчилик қилмоқда – 2 041 дона седан. Эслатиб ўтамиз, май ойида айнан Ravon Nexia R3 Қозоғистонда сотиладиган енгил автомобиллар топ-10талигида биринчи ўринда турганди – ўшанда мамлакатда 1007 дона модель сотилган.

Жами, ўтган йилда Қозоғистонда 3 536 дона Ravon Nexia R3 автомобиллари сотилган. Ravon бозорда етакчилик қилувчи брендлар ТОП-5талигига кирган.