Yangiliklar

Муддатли тўлов асосида автомобиль сотиб олиш акцияси давом этади.

15 июлга қадар UzAuto Motors автомобилларини 40 фоиздан бошланувчи бошланғич тўловни тўлаб, қолган суммани 36 ойга тақсимлаш орқали сотиб олиш мумкин.  Махсус комиссиянинг кейинги қарорларини инобатга олиб, хоҳлаганлар учун автомобилни бевосита уйларига бепул етказиб бериш хизмати жорий этилди.

Аввалдагидек, Ўзбекистон Республикаси фуқароси паспорти ва СТИР билан бирга "UzAuto Motors"нинг яқинроқда жойлашган дилерлик салонига мурожаат қилиш орқали муддатли тўловни расмийлаштириш мумкин. Бироқ, амалга кираётган чекловларни ҳисобга олиб, компания мижозларига уйларидан чиқмаган ҳолда, +99878 141 77 77 рақами орқали қўнғироқ қилиб, битим тузиш имконияти тақдим этилмоқда. Сайёр касса келишилган пайтда уйингизга келади, ҳужжатлар расмийлаштирилгандан кейин эса, худди шу сингари, сотиб олганингиз автомобиль ҳам эшигингиз тагигача келтириб берилади.

Акция доирасида қуйидаги моделларни харид қилиш мумкин:
1. Spark MT – кунига 67 минг сўмдан, 12 ой муддатга 
2. Cobalt AT – кунига 94 минг сўмдан, 24 ойгача муддатга 
3. Nexia AT – кунига 87 минг сўмдан, 24 ойгача муддатга 
4. Tracker MT/AT – кунига 137 минг сўмдан, 36 ойгача муддатга
5. Trailblazer – кунига 164 минг сўмдан, 36 ойгача муддатга

Акция шартлари 2020 йил 15 июлгача (шу сана ҳам киради) амал қилади.