Yangiliklar

2024-yilning 30-iyul kuni Asaka zavodidan Chevrolet Cobalt avtomobillarining birinchi partiyasi Moʻgʻulistonga jo‘nab ketdi. Bu UzAuto Motors kompaniyasi uchun yangi bozorlarga kirish imkoniyatini kengaytirish bilan birga Chevrolet Uzbekistan brendini yangi bosqichga olib chiqadi.

“Doctor Auto Chain” MChJ UzAuto Motors kompaniyasining distribyutori sifatida Mo‘g‘ulistonning Ulan-bator shahrida Chevrolet avtomobillarini sotish va ularga xizmat ko‘rsatish bo‘yicha faoliyatni boshqarib boradi. 

Ishonchliligi va chidamliligi bilan mashhur bo‘lgan Chevrolet Cobalt Mo‘g‘ulistonning noqulay iqlim va og‘irlashgan yo‘l sharoitlarida foydalanish uchun barcha talablarga javob beradi. Bu haqiqat uni yo‘lda xavfsizlik va qulaylikni qadrlovchi mahalliy haydovchilar uchun ideal tanlovga aylantiradi.

UzAuto Motors kompaniyasining Mo‘g‘ulistondagi vakillari bilan strategik hamkorligi Chevrolet avtomobillarini Mo‘g‘uliston bozorida targ‘ib qilish va hamkor mamlakat mijozlari uchun yuqori darajadagi xizmatni taqdim etishga qaratilgan.

Eslatib o‘tamiz, UzAuto Motors Qozog‘iston, Qirg‘iziston, Tojikiston, Ozarbayjon, Armaniston va Gruziya mamlakatlarida Chevrolet Uzbekistan brendi ostida mavjud bo‘lib,  xaridorlar tomonidan yuqori talab bilan qabul qilinmoqda.