Yangiliklar
«UzAuto Motors» AJ va «Sovcombank» (Rossiya Federatsiyasi) akkreditivlar to'g'risida shartnoma imzoladi. Umumiy miqdori 100 million dollarni tashkil etadi. Muddat 3 yil.
«Sovcombank» bilan shartnoma 29-30 sentabr kunlari Toshkent shahrida bo'lib o'tayotgan “O’zbekiston: Iqtisodiy islohotlar sarhisobi va istiqboli" forumi doirasida imzolandi. Shartnomani imzolash marosimida «UzAuto Motors» AJ bosh direktori Bo Inge Andersson va boshqaruv raisi o'rinbosari, «Sovcombank» korporativ investitsiyalar bloki rahbari Mixail Autuxov ishtirok etdilar.
«Ayni paytda «Uzavtosanoat» AJ tomonidan amalga oshirayotgan transformatsiya jarayonlarida «UzAuto Motors» AJ faol ishtirok etmoqda. 
“Sovcombank” ushbu jarayon doirasida o'zaro manfaatli hamkorlik chegaralarini kengaytiradi va o'zini strategik muhim sherik sifatida namoyon qiladi. “Sovcombank” bilan savdo-sotiqni moliyalashtirish to'g'risidagi bitimning imzolanishi nafaqat uzoq muddatli hamkorligimizning yangi sahifasi, balki uzoq muddatli biznesni rivojlantirish strategiyamizga yana bir qadamdir!"– deya ta'kidladi «UzAuto Motors» bosh direktori.
- “Biz «Uzavtosanoat» AJ kompaniyasi va uning tarkibiy tarmoq kompaniyalari bilan hamkorlik munosabatlarimiz faol rivojlanib borayotganidan xursandmiz. Joriy yilning aprel oyida hamkorligimizni o'zaro manfaatli biznes sheriklikni rivojlantirish to'g'risidagi ikki tomonlama shartnoma bilan mustahkamladik, may oyida London fond birjasida «UzAuto Motors» evro -obligatsiyalar debyutini joylashtirishda tashkilotchi sifatida ishtirok etdik. Mana bugun biz, «UzAuto Motors» uchun akkreditiv ochyapmiz va umid qilamizki, bu talab qilingan bank vositasi kompaniyaning biznes sohasida yangi marralarni zabt etishiga yordam beradi”, - dedi boshqaruv raisi o'rinbosari, “Sovcombank” korporativ va investitsiya bloki rahbari Mixail Autuxov.
"Sovcombank" OAJ - universal bank bo’lib, mamlakatning 10 ta eng yirik banklari ro’yxatiga kiritilgan (aktivlari: UFRS bo'yicha 1,9 trillion rubl). Bankda jami 24.5 ming xodim faoliyat yuritib, 2 942 nafari Rossiya Federatsiyasining 77 ta sub'ektidagi 1037 ta aholi punktlarida joylashgan ofisda ishlaydi. Bank 11,9 million mijozga: 11,1 million qarz oluvchilar, 0,6 million omonatchilar va 0,2 million yuridik shaxslarga xizmat ko'rsatadi. Bankning xalqaro miqyosdagi kredit reytinglari: S&P - "VV", "ijobiy" prognoz, Moody's - "Va1", "barqaror" prognoz, Fitch - "VB +", "barqaror" prognoz. Bankning milliy miqyosdagi kredit reytinglari: ACRA - "AA-", "barqaror" prognoz, "Expert RA" - "ruAA", "barqaror" prognoz, "SKR" - "AA-", "barqaror" prognoz