Yangiliklar

“UzAuto Motors” AJ O‘zbekiston Respublikasi mudofaasiga ko‘maklashuvchi “Vatanparvar” tashkiloti tomonidan o‘tkazilgan “Texnik kasb mutaxassislarini tayyorlashda zamonaviy yondashuvlar” mavzusidagi ilmiy-amaliy konferensiyada ma’ruza taqdimoti bilan ishtirok etdi.

Tadbirda kompaniyaning Dilerlarni rivojlantirish, marketing va PR boshqarmasi rahbari haydovchilarni tayyorlashda “UzAuto Motors” avtomobillarining o‘rni va ahamiyati haqida batafsil tushuntirishlar berdi.

Ma’ruza davomida Temur Ismatullayev O‘zbekiston yo‘llarida har to‘rt avtomobildan uchtasi UzAuto Motors mahsulotlari ekani, bu esa kompaniya avtomobillarining ishonchliligi va ommalashganini ko‘rsatishini ta’kidladi.

Shuningdek, haydovchilarni tayyorlash jarayonida zamonaviy, yuqori xavfsizlikka ega va texnologik imkoniyatlari keng bo‘lgan avtomobillardan foydalanish muhimligini qayd etdi. 

Qolaversa, u Cobalt, Onix, Damas va Tracker kabi ta’lim muassasalarida eng ko‘p qo‘llaniladigan modellarning o‘quv mashg‘ulotlari uchun qulayligi va amaliy ustunliklari haqida batafsil ma’lumot berdi.

Konferensiya ishtirokchilari taqdimotni yuqori baholab, haydovchilarni tayyorlash jarayonida UzAuto Motors bilan hamkorlikni yanada kengaytirish zarurligini ta’kidladilar. 

Shu bilan birga, bugungi kun talablari va o‘quv jarayonida foydalanishga qulaylik jihatidan Chevrolet Onix avtomobili eng maqbul tanlov ekanini qayd etib, ushbu modelni xarid qilish hamkorlikni rivojlantirishda muhim qadam bo‘lishini bildirdilar.